I ha gwartet. Lang. Weni jetz i dir bi, de gsehni die Welt, wo du gschaffe hesch. Danke vielmal. Du bisch so schön.

Es isch scho es Ziitli här.
I gseh di.
I luege di a.
Immer und immer und immer wieder.
I ghöre di atme.
I schmecke di Gruch.
I luege dini Haar a.
Und luege i dis Gsicht.
Du geisch nid, oder?
Du hesches ou nid vergesse, oder?
Du gspürsch tief, oder?

Hesch du ou öppis vo mim Härz gseh?
Hesch du ou mi Gruch chönne schmecke?
Und hesch du ou mini Huut gspürt?
Möchtsch du ou mi berühre?
Huut uf Huut enand gspüre?

Im Frühlig sigs schiins violett.
Dr Summer sig när voll oranger Blüete.
Und när chöm dis Bluet und mi Speichel.
Es wird zersch alles ganz rot und dadrin gspüri di so fescht. I fühle mi dir so nah.
Mir küsse üs und alles wird no heller orange. Und ganz intensiv. No intensiver.
Ganz schön. No schöner.
Churz wirds blau u när gad wieder ganz schön oranglich.

Weni di strichle i dire Scham, de chömme Könige zäme. Königinne regiere und d Chind si ganz luschtig. Si tolle umenand und säge enand luschtigi und liebi Sache. Si sueche nach Gheimnis und mache enand Überraschige.

Weni i dir bi, de chunnt e ganz ä helli Welt uf mi zue. Uf üs zue? Du schaffsch denn die Wält. Und si schmeckt nach dir. Si isch frisch duftend und schön gheimnisvoll. Si isch anders und niemmt mi mit.

We du mi ganz wosch, de schliesst sech ä Kreis. Vom chline Mensch uf dr Foto, wo für das alles scho irgendwo het Platz gschaffe, bis zum hütige Mensch, wo de Platz het bewahrt und nä nie het vergesse.

Es Ziitli här?
Was isch Ziit?
Wenn chunnt si (wieder)?
Giits die richtigi Ziit?
Denn, wo für beidi d Ziit zums zämä mache da isch?

Wei mir warte?
Chöi mir warte?
Isch warte gsund?
Müesse mir sogar warte?
Ufenand?

Photo by Sharon McCutcheon on Unsplash

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s