Ich brachte Rosen an dein Grab. Weil ich mir auch immer Rosen gewünscht hätte.

I stah da und i verstah d Mönsche nid.
I verstah nid, würum das es luschtig isch, sich über anderi luschtig z mache.
I verstah nid, würum meh so grob muess si.
I verstah nid, würum me so luut mues si.

I bi nid luut, ou weme das mag dänke vo mir.
I bi fiin, ou weme mag dänke, dassi ou grob bi.
Und bruche mi Rückzugsort, ou weme mag dänke, dassi im Mittelpunkt möcht stah.

Und i bruche z Meer.
I bruche viel Ziit für mi.
I bruche Ruh. Viel Ruh.
I bruche Orte, woni miner Gedanke cha ordne.
Und wo mini Seel all die Idrück wo si het übercho, cha verarbeite.

Und i bi viel truurig.
Und mängisch bini nid nume truurig, sondern de bini vo Hoffnigslosigkeit umgäh und vo erdrückende Gedanke und Gfühl.
I däne Momente isch das Gfühl so schlimm, dassi mi i dem Zustand nid emal möcht umbringe.
Denn wer möcht i tiefschter Hoffnigslosigkeit vo dere Wält ga.
Ä unversönlechere Abgang gits gloub chum.

Und mängisch, weni „nume“ fescht truurig bi, de möchti nid nume am Ufer vom Meer sitze und am Wasser zueluege.
Nei, de möchti iz Meer ineloufe und mi vo ihm la la verschlinge.
Und hoffe, dassi denn ganz zur Ruh wirde cho.
Mi würd chönne gärn ha.
Ganz bi mir chönnti si.
Mi chönnt gspüre und mi chönnt anäh.

Mängisch wirdi ine Strudel inäzoge und chume denn fasch nüm us dem use.
Amne Fescht oder nume scho, weni dürd Stadt loufe.
Di viele Mensche mit all irne Gschichte, irne Gedanke, Usstrahlige und Persönlichkeite.
De ziits mi weg vo mir. De hani mi nume no schlecht under Kontrolle.
Und i wirde vo Iflüss azoge, wo mi überfordere.
Wo mini zarti Seel nid cha verarbeite.
Und ig wirde vo fremde Gedanke gstüüret.

Denn wünschti mir nume, dass du da werisch.
Und mi i Arm würdsch näh.
Denn mängisch fühli mi ziemlech einsam.
Und weiss nid, wini all das söll ushalte.

Photo by Carlos Quintero on Unsplash

Kommentar verfassen

Trage deine Daten unten ein oder klicke ein Icon um dich einzuloggen:

WordPress.com-Logo

Du kommentierst mit Deinem WordPress.com-Konto. Abmelden /  Ändern )

Google Foto

Du kommentierst mit Deinem Google-Konto. Abmelden /  Ändern )

Twitter-Bild

Du kommentierst mit Deinem Twitter-Konto. Abmelden /  Ändern )

Facebook-Foto

Du kommentierst mit Deinem Facebook-Konto. Abmelden /  Ändern )

Verbinde mit %s